Sunog miulbo sa barracks sa mga sundalo

Labangan, Zamboanga del Sur – Mokabat sa 20 minutos nga nakigbugno sa kalayo ang mga personahe sa Tabak Fire Brigade ug kabomberohan sa Pagadian City Fire Station dihang kalit nga niulbo ang kalayo SSBN barracks nga anaa sa sulod sa 1st Infantry Tabak Division, Camp. Major Sang-an, Upper Pulacan, Labangan, Zamboanga Del Sur alas 7:00 kagabii.
Nasayran gikan kang CPL. Luis Salarda nga iyang namatikdan ang baga nga aso apan dili niya matumbok ang tukma nga lugar rason nga naalarma sila ug daling nakigkutay sa tinugyanan sa BFP Pagadian.
Nakontrolar ang kalayo alas 7:45 na sa gabii ug gideklara nga fire out alas pagpatong sa alas 8:05 sa gabii.
Mokabat sa 150,000 ang kabtangan nga nasunog wala pay labot niini ang M16 ripple nga dunay 360 rounds bala lakip nga naugdaw ang laptop nga anaa sa sulod sa building.
Hinoon walay gikataho nga samaran ug namatay sa maong insidente apan hangtud ning panahona blangko pa ang mga imbestigador sa BFP kun unsa ang sinugdanan sa kalayo.