*Sunog miulbo sa Butuan City sa kasaulogan sa Pasko*
Duha ka sunog ang miulbo sa managlahi nga lugar sa Butuan City.
Alas dyes kagabii, Disyembre 24 unang nahitabo ang sunog sa Brgy. Villa Kananga, Butuan City kung diin nasunog ang “panghaw” sa Chef Mong’s Boneless Lechon apan dali kini nakontrola ug anaa lamang sa 8 thousand pesos ang danyos.
Samtang alas 4:15 kaganinang sayo sa buntag, Disyembre 25 nagsugod ang sunog sa Brgy. Fort Poyohon, Butuan City.
Sigun ni SFO4 Rodrigo Canton, Fire Marshall sa Butuan Fire Department duha ka balay ang naabo kung diin naggikan ang kalayo sa panimalay ni Juliet Gabredas ug mitabok ang kalayo sa balay nga iya ni Catalina Gamayot Yongson.
Migawas sa inisyal na imbistigasyon nga short circuit ang hinungdan sa sunog.
Walay gikareport na casualty sa duha ka sunog nga miulbo dire na sa dakbayan sa Butuan ning kasaulogan sa Pasko.
