Sindangan ZN – Katorse ka mga balay sa may Baybay Barangay Disud, lungsod sa Sindangan, Zamboanga del Norte, ang naugdaw sa sunog human miulbo ang kalayo pasado alas 12:30 ang takna sa tungang gabii sa miaging adlaw.
Sa inisyal nga imbestigasyon sa Bureau of Fire Protection (BFP-Sindangan), nagsugod matud pa ang sunog sa may kusina sa panimalay nga gipanag-iya ni Welina Sumaylo diin nikaylap sa mga ang silingang balay nga gipanag-iya nila Flora Carta, Virginia Temonio, Leofel Empic, Ruben Jubac, Alberto Banawa, Alex Tulawe, Kimchil Taipen, Emeliana Apostol, Metiton Apostol, Luzviminda Pacure, Joselito Apostol, Angelito Apostol and Oliver Taipen, nga sagad polos gama sa light materials.
Hinuon walay natala nga na-angol kun injured sa maong insidente human sa pagdeklara og fireout.
Samtang padayon pa nga ginasuta sa kabomberohan ang sinugdanan sa kalayo, diin mokabat sa Eight Hundred Ninety-Six Thousand Pesos ang danyos sa maong sunog.
