Sunog miulbo sa lungsod sa Tambulig, 150 mil ang damyos

20

Tambulig, Zamboanga del Sur – Ang tropa Municipal Disaster Risk Reduction and Managemenr (MDRRMO) ug ang Emergency Response Team sa lungsod sa Tambulig ang makaresponde sa sunog nga niulbo sa Purok Mangga, Brgy. Lower Tiparak ning lungsod.
Naugdaw ang balay ni Felda P. Omega, 47anyos, dihang gilamoy sa kalayo alas 7:00 kagabii.
Dali kaayong mikaylap ang kalayo gumikan kay ginama ang maong balay sa mga light materials.
Miabot usab ang mga elemento sa Molave Fire Station,ug Fire Station sa Bonifacio, Misamis Occidental.
Gibanabana sa 150 mil ang total nga nadamyos sa maong sunog.
Sumala sa anak sa tag-iya nga si Mofer P. Omega, 15 anyos, wala sila sa ilang panimalay panahon sa pagsugod sa maong kalayo.
Human sa 40 minutos nga pakigbugno sa kalayo gideklarang fireout sa Molave Fire Station personnel.
Gi-imbestigahan pa ang hinungdan ug sinugdanan sa kalayo.

Facebook Comments