Pagadian City – Gibulabog sa sunog ang mga residente sa Purok Sweetlove, Brgy. Dumagoc niining syudad human miulbo ang kalayo sa nahisgutang dapit ala 1:42 sa kagahapon sa hapon.
Naugdaw ug dili na mapuslan ang balay nga gipang-iyahan ni Rey Araya nga maoy gipuy-an nila ni Antonio Cordova jr., ug Joan Cordova.
Dihang nadawat ang taho dali usab nga nakaresponde sa lugar ang mga personahe sa Pagadian City Bureau of Fire Protection aron makigbugno sa kalayo.
Gumikan kay medyo karaan na ang maong balay dali kini nga gilamoy sa kalayo maayo nalang nga nakagawas pa sa balay ang pipila ka indibidwal nga anaa sulod niini lakip na ang usa ka special child.
May kabahin sa elektrisidad ang gisundan nga hinungdan sa sunog nga midamyos sa kabtangan nga gibana-bana nga nikantidad sa 10, 000.
Alas 2:17 hingpit nga napalong ang kalayo og wala na kini makakatag sa silangan nga mga balay pinaagi firewall nga maoy nakaulang sa silingan nga balay.
Pahimangno sa City Disaster Risk Reduction and Management Office ( CDRRMO) nga bisan naka lockdown atol sa adlaw nga domingo kinanghalan nga magbinantayon sa sunog pinagi sa pagmonitor sa mga bata nga possible magdula nga maoy makahaling sa kalayo ug pagsusi kanunay sa mga gadgets nga nagamit og elektrisidad.
