Sunog miulbo sa Toril ug Acacia

202

Davao City – Upat ka mga stall sa palengke ang nasunog human miulbo ang kalayo pasado ala 1:00 kaganiha’ng kadlawon sa Toril Public Market.

Sa inisyal nga imbestigasyon sa Bureau of Fire Protection (BFP-Davao), nagsugod matud pa ang sunog sa usa ka beaty parlor diin nadamay ang pipila ka mga stall sa palengke sama sa sagingan ug isdaan.


Hinuon walay natala nga na-angol kun injured sa maong insidente human sa pagdeklara og fireout alas 2:30 sa kadlawon.

Samtang padayon pa nga ginasuta sa kabomberohan ang damyos ingon man ang tinubdan sa maong sunog.

Sa pikas bahin, miulbo usab ang laing sunog alas 10:53 kagabie sa usa ka auto shop nahimutang sa may J.P. Laurel Avenue, Davao City, diin apil nisilaob ang usa ka truck.

Base sa imbestigasyon BFP-Davao, electrical short circuit gikan sa napasagdaan’g Isuzu Elf Van ang tinubdan sa maong sunog nga midamay sa kaatbang nga Suzuki Vitara nga pulos partially damage.



Gideklara’ng fireout alas 11:20 kagabie sa kabomberohan ang maong insidente diin mokabat sa P150,000 ang damyos sa maong insidente.

RadyoMaN Jason Amisola


Facebook Comments