Sunog nagluntad naman sa Dela Rama City proper, kapin lima tubtub anum ka balay, natupok sang kalayo

Natublag ang katulugon sang mga pumuluyo sa Delarama City Proper kag kaingud nga kabarangayan matapos magluntad ang sunog pasado alas 10 kagab-i.

Naglab-ot sa lima tubtub anum ka pamalay ang natupok sang kalayo sa nasambit nga sunog.

Ginpahayag sang isa sa mga nasunugan nga naghalin ang kalayo sa balay ni Kring-kring Mendoza matapos natumba ang kandila nga ila ginsindihan matapos magluntad ang brown out sa lugar.

Lakip man sa mga nasunugan amo ang Gabayeron family, Bornales family, Espinosa family, Elmeda kag Dialen family.

Padayon pa nga gina-imbestigahan sang Bureau of Fire Protection ang nasambit nga sunog.