Sunog nagtuhaw, kapin sa 83K rong danyos

12

Balete, Aklan – Kapin sa P 83,000.00 pesos rong danyos it nagtuhaw nga sunog kahapon it hapon sa Sitio Sitio Binaklingan, Archangel, Sur, Balete, Aklan.
Ro nasambit nga baeay hay ginapanag-iyahan ni Mrs. Anne Rago Ignacio, 76-anyos it nasambit nga lugar.
Base sa imbestigasyon it Balete BFP nga mga alas 3:50 it it hapon kahapon hay may ginaeaha rong lola sa anang daeapogan tag raya hay nagpanaw para mag sag-ob tag makabati imaw it paglinunpok halin sa anang baeay.
Dali-dali man raya nga nag uli ag pag-abot na hay nakibot eamang raya tag makita nga nagakasunog eon ro anang baeay.
Ginrespondehan man eagi raya ko mga bombero ag na fire out mga alas 5:00 eon it hapon.
Ro nasambit nga baeay hay himo sa light materials ag naga isaeanhon eamang rong lola tag matabo rong sunog.
Sa makaron hay nagapadayon pa rong imbestigasyon it BFP-Balete angot sa gintunaan it sunog.

Facebook Comments