New Washington – Nag aywan it kapin P 65,000.00 nga danyos rong sunog nga nagtuhaw kaina it aga-aga sa Sitio Naga, Poblacion, New Washington, Aklan.
Suno kay FO1 John Ervin Pradao it New Washington Fire Station nga may nagreport sa andang opisina nga may sunog sa lugar ag insigida nga resposndehan.
Pagabot sa lugar nakita nanda nga masyado eon nga mabahoe rong kaeayo rason nga nagpangayo sanda it back up sa Kalibo Fire Station.
Sa imbestigasyon nasayuran nga rong baeay hay ginapanag-iyahan ni Mercedes Solanoy, 85-anyos ag himo raya sa light materials kung sa siin tugbang gid raya.
May nadaeahig man nga sangka baeay pa gid nga ginapanag-iyahan ni Renan Francisco, 39-anyos pero partially damage eamang.
Ginapatihan nga naghalin rong sunog sa dapog it baeay bangud ginasugid nga rong gumankon ni Mercedes nga si Emelyn Borneo ag may diperensya sa painu-ino hay nag init it tubi ag basi naaywan raya nga may kaeayo pagkatapos ag nag makot pero padayon pa gihapon ro imbestigasyon it BFP New Washington sa nasambit nga sunog.
