Davao City- Mokabat sa 100 ka gambalay nga gilangkuban sa kapin kon kulang 200 ka mga residente sa may thickly-populated area sa Pag-asa, Barangay 5-A, Bankerohan ning syudad na-ugdaw sa kalayong nagsugod kaganinang pasado alas-11:00 sa sayong kaudtohon.
Usa usab ang namatay sa nahitabong sunog, ang biktima giila nga si Rodolfo Hilado, 71 anyos.
Gisuta pa karon sa mga imbestigador ang extent sa maong kalayo ingon man ang posibleng kawsa sa pagdilaab diin sayong gi-estimate ang balor nga P500,000 sa damyos.
Sama sa eksperyensya sa uban pang mga sunog dinhi sa syudad, nasinatian usab sa mga firefighters ang kusog nga sunog gumikan sa mga istruktura nga ‘made of light materials’ ug lisod sudlon gumikan kay sikit-sikit ang mga panimalay.
Mideklara og fire out ang mga bumbero bandang alas-4:40 sa kahaponon.
Sa pagkakaron temporaryong gihikling ang mga residente sa gym sa maong barangay.
RadyoMan June Duterte
