BACOLOD CITY – Ginabulubanta nagdangat sa isa ka milyon ka pesos ang kahalitan sa nagluntad nga sunog pasado alas 8 kagab-e sa Purok Sampaguita, Brgy.38 sa syudad sang Bacolod.
Base sa inisyal nga report sang Bureau of Fire Protection, siyam tanan ka mga puluy-an ang nasunog nga nagsugod sa kwarto ni Glenn Celiz kon diin gina-usisa pa karon ang kawsa sang amo nga sunog.
Ginpahayag ni SFO2 Archie Españo, lima ang naka-agum sang menor nga pilas bangud sang sunog samtang anum man ka balay ang totally gutted by fire.
Sa record sang barangay, ang mga nasunugan amo sanday; Manuel Mendoza, Melicio Celiz, Miriam Celiz, Helen Celiz, Rosalinda Endriquez, Lolita Yeep, Joseline Padal, Joseline Astrologo kag Max Padparan – isa ka brodkaster.
Suno kay Kapitan Giner Agpalo, ang mga apektado nga pamilya ang temporaryo nga naga-tinir sa karon covered court sang Barangay 38 sa diin ini sila ang natagaan na sang assistance sang barangay kag syudad.
