Tatlo ka balay ang natupok kag isa ka tawo ang patay sa sunog nga nagluntad sa Jalandoni St., Dingle, Iloilo pasado alas 2 kaina sang hapon.
Ginkilala ang napatay nga si Remie Corpuz, 60 anyos, tag-iya sang balay nga ginhalinan sang kalayo kag naglaton sa kaingud nga mga balay nga ginapanag-iyahan nanday Amalia Lumbo kag Corazon Corpuz.
Suno kay SFO1 Yrel Ortizo sang Dingle Fire station nga base sa ila imbestigasyon , masami nga nagadabok si Remie Corpuz bangud madamo sang lamok sa ila balay kag ginapatihan nga ini ang ginhalinan sang kalayo nga nagsunog sa tatlo ka balay.
Wala man gilayon makaguwa sa iya balay si Remie bangud indi ini masyado makalakat bangud naka-agi sang stroke kabangdanan nga nalakip ini nasunog niya nga balay.
Ginabanta nga naglab-ot sa 175 mil pesos ang natuga nga kahalitan sang nasambit nga sunog.
