Davao City -Tulo ka balay ang totally damage ug kapin P100 mil ang damyos sa sunog alas 7:30 sa gabii (March 8, 2021) sa Km. 24, Purok Inabanga, Brgy. Bunawan, syudad sa Davao.
Subay sa inbestigasyon ni SF01 Neptalie Paulino Bunawan Fire Station Investigator, nagsugod ang sunog sa panimalay ni Philip Coma ug gituyo pagsunog lakip na iyang kaugalingon.
Sa imbestigasyon sa Bunawan Police Station sa gikomperma ni Police Major Noel Villahermosa Station Commander, nagselos si Coma sa iyang live in partner nga si Janeth Bulabos sa dihang pag-abot niya sa ilang balay human nakit-ang aduna nay laing gikauban si Bulabos, hinungdang gibubu-an sa usa ka gallon nga gasolina ang balay ug gisindihan.
Gi-apil usab ni Coma pagsunog ang kaugalingon nga miresulta sa iyang kamatayon.
Dugang pa nga adunay negosasyon nga nahitabo tali sa kapulisan ug suspek apan nagbahad kini nga og naay musamok iyang apilon og sunog.
Sumala sa Bunawan police, adunay standing warrant of arrest sa kasong attempted murder ang suspek.
RadyoMan Don Pulayao
