Sa interview sa DXDC RMN Davao kang Fire Officer 1 Johnel Roy, hepe sa Intelligence and Investigation Unit sa BFP-Compostela, iyang gibutyag nga na-report ang sunog alas 12:18 sa udto ug nadeklarang fireout human sa 12 ka minuto.
Matud ni Roy nga tulo ka mga balay ang naugdaw diin usa niini abandonado na. Sa ilang pagpanubay, nagsugod ang kalayo sa balay sa usa ka Noli Lucero ug sa imbestigasyon, electrical short circuit ang hinungdan sa pag-ulbo sa kalayo.
“Ang possible nga gitan-aw nako nga source of ignition didtoa walay lain kundili kadto iyahang extension (wire) nga gihimo nga didto nakasaksak iyahang electric burner. Matawag man na nato og substandard wiring kung himuon nana nimo nga gamit as permanent,” saysay ni Roy.
Matud sa BFP official nga unang insidente kini sa sunog nga nahitabo sa lungsod karong tuiga, 2024. Dugang nilang pahimangno sa publiko nga likayan ang substandard nga wirings aron malikayan ang sunog.
RadyoMaN Kirby Manzon
