Sunog sa duha ka mga dagkong bodega sa tagum niabot og 4th alarm

Davao City- Nilungtad og pito ka oras ang pagpalong sa mga bombero sa nasunog nga duha ka nga dagkong bodega sa Quirante I ug II Brgy. Magugpo Poblacion, Tagum City, Davao del Norte.

Niabot sa 4th alarm ang sunog nga nagsugod pa og alas-10 sa gabie adlawng Dominggo.

Sa interbyu sa DXDC RMN Davao kang Fire Chief Insp. Arthur Joseph Urquiza, City Fire Marshall sa Tagum City Fire Station, sobra napulo ka mga firetrucks gikan og Davao, Davao de Oro ug sa mga kasikbit nga mga municipal fire stations sa Davao del Norte ang nagtinabangay aron mapalong ang sunog.

Nagkalisod usab ang mga bombero sa pagpenetrate sa nasunog mga bodega tungod usab sa mga nangahagsa nga mga istruktura ug kabaga na sa aso nga ilahang naengkwentro.

Matud sa gwardiya aduna kiniy natimahuang gomang nasunog nga lakip sa ginaimbestigahan pa karon sa pagsuta sa hinugdan sa sunog.

Nagdeklara og fireout ang BFP Tagum City kaganihang alas-5:45 sa buntag.

Walay natala nga casualty atol sa insidente.

RadyoMaN Aimee Guinita