Sunog sa Gaisano Mall Gensan nisaka sa General Alarm matod sa BFP 12

124

GENERAL SANTOS CITY- Gitaas na ngadto sa “General Alarm” ang level sa sunog sa Gaisano Mall pasado alas-8 kagabie Myerkules (October 16, 2019).

Kini ang nahimong pagkumpirma ni Bureau of Fire Protection 12 Regional Director Fire Chief Superintendent Louie Puracan, ang ground commander sa fire incident.
Sa gipakanaog nga kamanduan nga “General Alarm” dungan sab gimandoan ang tanang tawo duol sa nasunog nga mall ang mag-evacuate.


Anaa sab sa 70 percent na parte sa mall ang nasunog.
Gigamit aron mapakgang ang sunog ang tanang available resources nilang firetrucks sa BFP sa siyudad, kauban dinhi ang mga fire assets sa silingan probinsya na Sarangani, South Cotabato ingon man ang lugar sa Davao City miresponde na sab sa sunog aron tabangan ang kabomberohan sa dakbayan.

Migamit sab og chemical foam ang mga bombero aron mapahinay ang kalayo.
Sul-ob sab sa pipila ka mga fire fighters ang ilang Self Breathing Apparatus aron makaginhawa og sakto samtang ginasu-ong ang sulod nga parte sa nasunog nga mall.

Niabot hangtod kadlawon Huwebes ang operasyon sa mga bombero.
Kahibaw-an nga ang kalayo nagsugod human sa 6.3 magnitude nga linog mitay-og kagabie alas-7:37. Samtang gideklara nga fired out ang maong sunog takna sa ala 1:00pm sa hapon October 17,2019.

Padayon nga mipahigayon og imbestigasyon ang otoridad sa hinungdan sa sunog.
For more info’s and updates, like and share our official facebook account : www.facebook.com/ifm91.9Gensanofficial/

[image: sunog sa gmall of gensan.png]

Facebook Comments

From Advertisers