Boracay – Nag-aywan it kapin P 22.5 milyon nga danyos rong sunog nga nagtuhaw kahapon it hapon sa crossing Diniwid mainload, Brgy. Balabag, Boracay nga tumupok sa 60 ka mga panimaeay ag istruktura.
Suno kay FSInsp. Lorna Parcellano it BFP –Boracay nga nag umpisa rong sunog mga bandang ala 1:40 it hapon ag na fire under control mga alas 3:10 eon it hapon.
Sa inisyal nanda nga imbestigasyon ginapatihan nga nag umpisa rong sunog sa nag overheat nga electricfan ag madasig nga nag eapta raya bangud nga kaeabanan hay himo sa light materials ro mga panimaeay ag istruktura nga nahamtang sa kapin 1, 500 square meters nga sakop.
Natigayon nga matapna rong sunog pinaagi man sa madasig nga pag responde it mga taga BFP –Boracay, BFRAC, BIWC, Savoy Hotel, Shangrila ag iba pang mga volunteers sa isla kamana man mga pumueoyo.
Daywa rong nai-report nga ninahan kaeakip ro sangka barangay kagawad. Sa makaron hay nagapadayon pa rong imbestigasyon it BFP –Boracay angot sa nasambit nga sunog.
