JUST IN! Sunog sa may Km. 2, National Highway, Surigao City sa building na tagpanag-ija ni Mr. Heracleo Dumadag Jr. kontrolado na. Tagtudlo sa nagrenta sa kuwarto sa 3rd floor nan building na si Wilmer delos Arcos, una na tagpamaya nija an ija bag gamit an hair dryer ug midiretso na sija kaligo. Pagbalik nija, nag-aso na an kuwarto labi na dapit sa ija bag, hair dryer ug laptop. Nagtinabangay na dajon sila kaiban an iban boarders sa pagbubo nan tubig ug mitawag sa kadagkuan sa BFP. Sa habig nan bag-o na City Fire Marshall na si Senior Inspector Julius Daryl Bulatao, alas 5:30 ganina hapon an pagpaabot nan alarma sa sunog sa ila buhatan. Sa tagkahitabuan,gawas sa hair dryer na tagsugdan sa sunog, nakit-an isab nila an paggamit nan extension wire ug may octopus wiring suyod sa kuwarto. Sa pagkakuman, nagpadajon pa an imbestigasyon may kalabutan sa sunog. > > > > > >
