Gituohan sa pipila ka mga residente nga overcharged laptop ang hinungdan sa kalit nga pag ulbo sa sunog sa usa ka establisyemento sa Rizal Street, Mati City, Davao Oriental gahapon sa buntag, October 3, 2023.
Niabot sa duha ka oras ang pakigbugno sa kabomberohan aron nga mapalong ang kalayo human nga nikatag kini sa duha ka mga tindahan.
Sa impormasyong gipadala sa Mati Bureau of Fire Protection (BFP), nagsugod ang sunog bandang alas 7 ug gideklarang fireout bandang alas 9 sa buntag.
Sa pagpanubay sa DXDC RMN Davao, padayon pang ginasuta sa awtoridad ang saktong rason sa maong sunog ug kung aduna ba’y kamatuoran ang gituohang overcharged nga laptop ang hinungdan.
Hinuon, wala’y natalang injured ug casualty gikan sa insidente nga mao’y gipagpasalamat sa tanan.
RadyoMan Ivy Parido
Facebook Comments
