Gi-announce mismo ni BFP 7 Regional Director Sr. Supt. Samuel Tadeo atubangan sa lainlaing media outlets ang maayong balita nga under control na ang sunog sa Metro Ayala Department Store alas 12:45 pm karong adlawa.
Gi-reveal niini nga human sa dul-an 40 oras nga nakigkombate ang lainlaing units sa BFP 7, mapasalamaton kaayo ang maong agency sa tanang suporta ug pagsabot.
RESPETO UG PASIDUNGOG
Sa kapin 10 years na naku nga pagpuyo sa Cebu City karon pako kasaksi og ingon ani nga sitwasyon kung diin daghan kaayo nga mga kabomberohan ang mitabang para makigbatok sa sunog sa usa ka mall.
Overwhelming kaayo ang mga panghitabo labi napud nga tig-anhaan gyud ko sa maong mall. Sa 6th floor sa maong nasunog nga mall kapila napud ko nakahost og events labi na sa niaging tuig. Halos kada buwan gyud. Unya pag niaging Pasko ug karong Bag-ong Tuig sigurado daghan pud sa inyoha ang nakabisita o nakapagshopping didto.
Maong atoang ipaabot ang taas nga pagrespeto ug pasidungog sa mga trabahante sa maong mall nga mitabang og pagawas sa mga shoppers sa pag-ulbo sa sunog didto. Mga security guards ug salesmen ug ladies nga na-train tungod sa mga fire drill. Ug labi na sa kabomberohan ug mga volunteers sa ilang dedication ug kakugi aron nga mapawng na ang kayo sa maong mall.
At last, the journey’s almost over. Under control na gyud ang sunog.
TUKORAN OG BALIK?
Sa inyong tan-aw, tukoran kaha ni og balik og susamang Metro Ayala Department Store ang maong nasunogan nga area? Magpabiling sikat ba kaha gihapon ni sa mga shoppers?
Comment kuno mga mall goers dinha beh.
