Di momenos sa 50 ka mga panimay ang gilamoy sa sunog sa duha ka sitio sa Barangay Quiot ang Beltran ug Upper Yati ,sa syudad sa Sugbu kagahapon .
Si SF04 Jovito Abelgas sa Cebu City Bureau of Fire Protection nibana-bana usab sa danyos sa sunog nga P500,000.
Ang alarma sa sunog nadawat sa BFP alas 5:28 sa hapon ug pag-abot sa alas 5:58 sa hapon giisa sa Task Force Alpha tungod kay nagsikit-sikit ang kabalayan nga ginama sa light materials .
Pagka-alas 6:57 sa gabii gidiklarar kini nga under control na .
Ang kaapeke sa agianan usa sa nasugatan nga problema sa mga bombero.
Ang kayo giingong nagsugod sa panimay sa magsoon nga sila si Janet ug Aileen Dayanan .
Apan padayong gideterminar sa kabomberohan ang hinungdan sa sunog.
Facebook Comments
