Sa interbyu sa DXDC RMN Davao kang Fire Officer (FO) 2 Aira Coraje sa BFP-Tagum City, gibutyag niini nga miabot sa ikaduhang alarma ang sunog, diin midugang na sa ilang pwersa ang kabomberohan gikan sa Carmen, Panabo, Dujali, Asuncion ug Maco, Davao de Oro.
Sa inisyal nga inbestigasyon, tulo (3) ka mga establisemento ang gilamoy sa kalayo diin mag alas 6:00 sa kagabii sa dihang na-under control ang sunog.
Matud ni Coraje kinsa usa sa unang niresponde sa sunog kusog na kaayo ang kalayo sa ilang pag-abot.
“Lisod na kaayo siya nga i-control gyud ba ana kadali. So, kana gyud ang pinakaunang buhaton kung makakita nga naay sunog, gina-awhag namo ang tanan nga mo-contact gyud dayon diri sa atoang fire station kay para kami maalarma ‘mi ug makaresponde pud gyud ‘mi dayon,” sulti ni Coraje.
Hinuon walay casualty nga natala ang kabomberohan. Samtang, padayon pang ginainbestigahan ang hinungdan sa sunog ug ang kantidad sa danyos.
RadyoMaN Kirby Manzon
