General Santos City– sunod-sunod nga mga pagpangawat sulod sa merkado publiko sa Gensan ang gidangop nga reklamo sa mga biktima niadtong Sabado sa hapon.
Unang mireklamo ang usa ka Josephine Fredeluces 49 anyos nga taga Tbole South Cotabato kansa nakawatan ug pitaka samtang nagpili ug sapatos sa usa ka shoe store sa Cagampang Street.
Ikaduhang midangop ang 23 anyos nga si akyas Shamira taga Brgy Bula ning syudad. Matud ni Shamira nga gikawat ang iyang cellphone samtang anaa sya sulod sa Gensan Public Market.
Dugang pahayag ni Shamira nga kumpyansa lang sya nga gibutang ang iyang cellphone sa iyang back pack tungod wala damh nga dunay manghilabot niini. Aminado ang biktima nga nakabantay sya nga dunay nagtingog nga siper apan wala niya kini panumbalinga.
Kurat nalang ang biktima dihang usa ka tawo ang nagsulti kaniya nga abli na ang iyang bag ug sa iyang pagtan-aw wala na ang iyang cellphone nga nagkantidad ug 6 mil pesos. (Jordan Britos)
(Photo From Web)
