Sa interview sa DXDC RMN Davao kang Police Major Marvin Hugos, Hepe sa San Pedro Police Station gisulti niya, nailhan na ang duha suspetsado, apan dili pa ibutyag sa publiko ang mga pangalan niini ug ang biktima.
Segun ni Hugos, ang duha ka suspect nakuhaan pa og hulagway pinaagi sa CCTV Camera nga nagsuot og jacket, color gray ug maong ang pantalon, anaa sa 5’8″ ang gitas-on ug dako ang lawas.
Samtang ikaduhang suspect nagsul-ob og sweatshirt nga adunay kombinasyon sa color pula, blue ug itom ug maong ang pantalon, nga 5’7″ ang gitas-on ug medium built, pareho nga nagsul-ob og half face helmet.
“Magtinabangay ta aron malikayan ang ing-ana nga mga pang hitabo kadtong mga establishment mas maayo mo hired pod sila og guwardya para naay mobatantay sa ilang negosyo”,sulti ni Hugos.
Kahinumduman, nakuha sa duha ka suspect ang gibana-banaan kantidad sa salapi nga P189, 213.55 ug dali nga misibat, sakay sa usa ka unit nga NMAX 155CC kolor itom motorsiko.
RadyoMaN Don Pulayao
