Davao City- Walay angay ikabalaka sa pag-gawas sa Super Blue Blood Moon karong adlawa, Enero 31.
Kini ang giingon ni Pas Rosas sa PAG-ASA DAVAO atol sa interview sa DXDC RMN Davao.
Dugang sa PAG-ASA Davao nga og maayo ang panahon karong adlawa dinhi sa syudad ug sa Mindanao, makit-an ang maong eclipse diin magsugod kini alas 6:49 unya sa gabii apan mas hayag kini alas 9:29 sa gabii ug mahuman alas 12:09 unyang kadlawun.
Sumala pa nga ang Super Blue Blood Moon mao ang dungan nga pag-gawas sa tulo ka lunar events nga mao ang blue moon, supermoon and lunar eclipse.
Base sa press press briefing sa PAG-ASA nga ang Super Blue Blood Moon ulahing nakita sa Pilipinas, 36 ka tuig na ang nakalibay niadtong December 30, 1982.
RadyoMaN Renz Barbarona
Facebook Comments
