ILOILO – Extra special ang pagtakop sang pinaka-una nga bulan sang 2018 bangod sa “super blue blood moon.”
Karun sa gab-i, makit-an ang bulan nga 14% larger kag 30% brighter kon ikumpara sa normal nga full moon ukon ginakabig nga ‘supermoon.’
Ang blue moon amo ang ikaduha nga full moon sa isa ka bulan samtang ang blood moon naman makit-an kon ang full moon temporaryo nga mangin mapula bangod sang lunar eclipse sang sang “refraction of sunlight.”
Sa Pilipinas, ang “super blue blood moon” makit-an sang 2 ka oras halin 8:51pm tubtob 10:07 pm karun sa gab-i, Enero 31 suno sa PAGASA.
“The greatest part of the eclipse will be seen at about 9:29 p.m. Ito ‘yung pinaka-center ng eclipse, ‘yung pinaka-mapula,” ang pahayag ni Dario Dela Cruz sang PAGASA.
Ang ‘super blue blood moon’ ulihi nga na-obserbaran sa Pilipinas sadtong Disyembre 30, 1982.
