Manila, Philippines – Naniniwala si Ifugao Representative Teddy Baguilat na magsasanib puwersa ang super majority at minority bloc sa Kamara para ituloy ang pagpapa-impeach kay Vice President Leni Robredo.
Ito’y matapos banggitin ni ABS Party-List Rep. Eugene De Vera na nagpe-playing safe lang umano ang LP nang sabihin ng mga ito na hindi nila susuportahan ang impeachment case laban kay Duterte.
Tila nagtataka si Baguilat dahil maingay ang minority sa planong pagpapa-impeach kay Robredo subalit tahimik ang mga ito sa impeachment case kay Duterte na ihinain ni Magdalo Party-List Rep. Gary Alejano.
Sa ngayon, bukod sa minority na pinamumunuan ni House Minority Leader Danilo Suarez kung saan miyembro si De Vera ay mayroong legitimate minority na kinabilangan ni Baguilat.
