Davao City – Biktima sa pagpanulis ug pagdunggab ang usa ka general accounting supervisor nahitabo alas 8:05 kagabii didto sa Palm Village Subdivision Barangay Bangoy ning dakbayan.
Base sa report gikan Sta. Ana PNP, ang biktima naila sa pangalan mao si Pauline Chan Ortiz, 26 anyos, residente sa Purok 14-A Tibal-og Sto. Tomas, Davao del Norte, samtang ang duha ka wala mailhing suspetsado anaa sa 5’6 ang gitas-on, brown complexion, clean-cut hair ug pulos naka t-shirt ug short lang ang duha ka suspek.
Aduna lang unta’y paliton ang biktima sa convenience store apan gisundan kini sa mga suspek ug nagdeklarang hold-up dayon dunggab sa makadaghang higayon.
Natangag sa mga suspetsado ang usa ka pouch nga dunay sulod nga cellphone nga mokantidad og otso mil ka pesos lakip ang dos mil ka pesos nga cash.
Ang biktima daling gi-dala sa Metro Davao Research and Medical Center aron matambalan.
Samtang ang kapulisan Sta Ana PNP naglusad na og follow-up investigation aron masayran ug maila ang duha ka suspetsado kansa responsable sa paghold-up sa biktima.
RadyoMaN Don Pulayao
