Sa interbyu sa DXDC RMN Davao, gibutyag ni Barangay 3-A Kagawad Edwin Supladoz tag-iya sa maong restobar, gi-angkon ni Supladoz adunay kalapasan nga nahimo sa dihang nag-disco tungod kay wala na matuman ang social distancing kay wala na mapugngi ang mga customers, apan ilang gituman ang 50% capacity sa pagpasulod sa maong balay kalingawan.
Gipaklaro usab ni kagawad Supladoz, dili tinuod nga walay business permit ang iyang restobar, apan nagpadayon ang proseso sa renewal sa iyang permit ug nalangan lang tungod sa pandemya.
“Actually naa mi permit,…nag renew palang mi alangan magkuha mi og permit kadtong nagsarado mi COVID paman two years na, nagrenew mi wa palang mahuman ongoing pa dili kay moingon nga wala mi permit, imposible nga way permit “. pamahayag ni kagawad Supladoz.
Kahinumduman, human gisusi sa Davao City COVID-19 Task Force ang maong restobar nasuta nga adunay kalapasan sa COVID-19 Protocols ug girekomindang ipasira ug kasohan.
RadyoMaN Don Pulayao
