Sa interbyu sa DXDC RMN Davao kang DCWD Public Information/Relations Division manager Jovana Duhaylungsod, sa sagunson nga grabeng masinatiang kainit ilahang gilauman ang taas nga demand sa mga kustomer nga mugamit og tubig karong ting-init busa paningkamutan nila nga mamentenar ang full blast operation.
Sa mga lugar nga apektado sa dili 24 oras nga adunay agas sa tubig, gipanganti sa DCWD nga magpadayon ang intervention.
Nakaplastada na usab ang ilahang contingency plans inkaso’g adunay aberya kung masinatian ang huwaw.
Niapelar si Duhaylungsod sa mga konsumante nga likayan ang mga non-essential extensive nga mga aktibibad sama sa inflatable pool inay magtipid ug magpondo og tubig aron adunay magamit mapa-scheduled o emergency water interruption man kini.
Gitinguha usab sa DCWD nga dakong tabang augment nga 300 million liters per day nga tubig sa Bulk Water Supply Project.
RadyoMaN Aimee Guinita
