Sa imuha ang boto namo Sen. Bong, kini ang singgit sa mga supporter ni Sen Bong Revilla atol sa iyang pagbisita sa Cotabato isip tipik ug kabahin sa campaign caravan sa Hugpong Ng Pagbabago (HNP) kagahapong adlawa.
Si Revilla usa sa mga pambato sa NHP ug personal nga giindorso ni Davao Mayor Sarah Duterte isip pinakakusog nga kandidato pagka senador karong umaabot nga piniliay sa mayo 2019.
Gilatag ni Revilla ang iyang plataporma de gobyerno atubangan mismo sa libuan ka mga misalmot sa panagtigom ug gikalipay kini pag ayo sa mga tawo partikular na ang mga trabahante nga maoy pinaka unang prayoridad kung makabalik sa senado si Revilla.
Butyag pa ni Revilla, gusto niya nga adunay disenteng sweldo ang mga trabahante, nurses, teacher ug mga barangay workers aron makapanginabuhi ug maayo ug makalikay sa ubang opurtunidad sama sa gawas sa nasud.
Suportado ni Revilla ang mga OFW ug kinahanglan nga mahatagan ug penyson nga mga retiradong Overseas Filipino Workers (OFWs) aron nga dili makaluluoy kung matiguwang na.
Lakip usab nga buhaton ni Sen. Revilla ang eksklusibong tambalanan para sa mga OFW nga kasagara nahurot na ang tigom gikan sa gawas sa nasud tungod sa pagpatambal sa ilang mga minahal sa kinabuhi.
Kahinumduman si Revilla adunay giduso nga 614 ka balaodnon ug 223 niini ang hingpit na nga nahimong balaod.
