Bukidnon – Negatibo sa bird flu virus ang Rehiyon 10.
Sa interview sa RMN Malaybalay ngadto kang Dra. Kristy Baylo, bird flu expert sa Department of Agriculture Region 10 gibutyag niini nga dili lamang sa rehiyon ngeatibo sa avian flu kon dili apil ang tibook Mindanao.
Bisan pa man niini pahimangno sa National Meat Inspection nga ipadayon pa gihapon ang mga precautionary measures.
Matud ni Dra. Baylo nga base sa mga agribusiness nga ang source o supply sa manok sa Rehiyon 10 dinhi ra gihapon sa Mindanao.
Gisiguro usab sa mga stakeholders ang igo nga supply sa mga karneng manok ug dili pa angayang kabalak-an ang pagsaka sa presyo.
Pahimangno pa sa eksperto nga kinahanglan nga ayuhon ug luto ang mga karneng manok, itlog ug kinahanglan kanunay nga maghugas ug kamot.
