CAUAYAN CITY – KASAMA ANG MGA PALAYAN AT TANIMAN NG GULAY SA SINIRA NG BAGYONG UWAN DAHILAN UPANG MAGKAROON NG PAGBABA SA SUPPLY NG MGA GULAY SA PAMILIHANG LUNGSOD NG CAUAYAN.
SA PAHAYAG NI GINANG ROSA, VEGETABLE VENDOR, PAHIRAPAN UMANO ANG KANILANG PAG-AANGKAT DAHIL MARAMI SILANG TINDERA NA NAGHAHATI-HATI SA KAKAUNTING SUPPLY NG GULAY DULOT NG BAGYO.
SINABI RIN NITO NA DAHIL SA KAKAUNTING SUPPLY AY NORMAL NA TUMAAS ANG PRESYO NG MGA BILIHIN UPANG MAYROON DIN SILANG KIKITAIN.
DAGDAG PA NITO NA MARAMI SA MGA SUPPLIER NG GULAY SA ISABELA TULAD NG AURORA, AT CAUAYAN, MAGING SA NUEVA VIZCAYA ANG NALUBOG SA BAHA DAHIL SA ULAN NA DALA NI UWAN.
SINABI RIN NITO NA MARAMI RING SUPPLIER ANG NAHIRAPANG MAGHATID DAHIL SA BAHA AT NASIRANG MGA KALSADA.
SAMANTALA, INAASAHAN NAMANG BABABA ANG PRESYO KAPAG NAKABAWI NA ANG MGA MAGSASAKA AT MULING NAKAPAGTANIM.
