Supply sa kamatis sa merkado, minihit

Davao City – Gibutyag sa pipila ka vendor og kamatis sa Bagsakan sa Bankerohan Public Market, nga minihit ang supply sa kamatis nga ilang ginabaligya karon.

Sumala ni Jerry Lanos kamatis vendor, ang pagminos sa supply sa kamatis sa Bagsakan duha ka semana na ang nakalabay, mao ang binulto nga kumprada sa mga negosyante sa kaulohan sa nakalabay’ng mga adlaw.

Segun sa lain pang vendor nga si Alyas Dodong, mitaas ang presyo sa medisina nga gigamit sa mga mag-uuma sa Barangay Carmen, Calinan ug Kapatagan, Digos City ingon man dili pa ting-ani sa kamatis karon.

Giingon ni Lanos, gumikan sa pagkunhod sa supply, misaka ang presyo sa kamatis duha ka semana ang nakalabay.

karon nga semana, ang kilo sa kamatis misaka sa P75 hangtud P80 matag kilo, P1,600 hangtod P2,000 ang matag kahon sa diamante nga variety sa kamatis, hinoon mas barato na kini kung itandi sa nakalabay’ng mga semana.

RadyoMaN Joel Viray