Nagapabilin nga bastante ang supply sang baboy sa probinsya sang South Cotabato sa pihak sang pagpamahog sang African Swine Fever ukon ASF sa mga kaiping nga probinsya.
Suno kay South Cotabato Provincial Veterinarian Dra. Flora Bigot, sobra pa ang supply sang baboy sa probinsya kag padayon ang pag-supply sa Luzon.
Ginkumpirmar man si Dra. Bigot nga nagsaka ang presyo sang baboy sa merkado nga sa subong nagalab-ot sa P180.00 tubtob P230.00 per kilo.
Suno kay Dr. Bigot ini ang base sa principle sang supply kag demand, amo nga indi mapunggan ang pagsirit sang presyo sang karne sang baboy.
Samtang yara naman sa P120.00 tubtob P140.00 ang presyo sang buhi nga baboy kada kilo sa probinsya.
Facebook Comments
