Supporter suno pa sang Daulah Islamiya, pilason sa implementasyon sang warrant of arrest.

24

Pilason ang ginapatihan supporter sang Daulah Islamiyah sa ginpatigayon nga law enforcement operation sang Polomolok Municipal Police Station; SCPMFC kag 10SFC-5thSFBn, SFRA PA sa Purok Maguindanao, Brgy Lumakil, Polomolok, South Cotabato,1:30 sang hapon, kahapon nga adlaw.
Ginkilala ang suspek kay Alvar Utap Sambial alyas Bari Sambial yara sa legal nga pang-edaron, single, jobless kag residente sang nasambit nga lugar,may kaso nga Attempted Murder.
Apang sang namutikan sang suspek ang mga otoridad nga magaserbi sang warrant of arrest nga imbes magsurender nagbato ini nga nagresulta sang malip-ot nga gunfight.
May-angot sini, nakaangkon sang pilas ang suspek nga gilayon naman nga gindala sa ospital para sa nagakaigo nga medikasyon.
Nakuha naman sa lugar ang isa ka unit sang Cal.38 revolver, basyo, apat ka transparent plastic cellophane sachets nga may unod nga shabu, may kabug-aton nga 1 gram nga nagakantidad sang P 6,860 kag 4 ka cal .9mm FCC.
Kaso naman nga pagbayolar sa RA 10591, Direct Assault kag Sec.11, Art. II sang RA 9165 ang ipasaka batok sa suspek.

Facebook Comments