Kagahapong adlawa mao ang unang adlaw ni Kernel Joselito Gallano sa Dipolog city police station human siya nga gitudlo isip OIC COP dinhi sa dakbayan sa Dipolog.
Kahinumduman nga ang turn over of command responsibility napahigayon niadtong miaging lunes petsa 8, ning bulan sa pagpanguna ni Provincial Director PSupt Raul Mendita Tacaca.
Matod pa niya nga wala siya nag opisina dayon niadtong higayuna aron paghatag ug higayon kang outgoing chief of police Lito Andaya sa pagkuha sa iyang mga gamit nga nahabilin pa.
Nag courtesy call una siya sa atong mayor dinhi sa Dipolog ngadto kang Mayor Dexter Uy aron ipahibalo nga siya na ang bang-ong hepe ug aron ipahibawo usab ang iyang mga bag-ong plano isip bag-ong hepe sa dakbayan.
Sa iyang pag opisina sugod kagahapon iyang gibutyag nga walay reassignment sa mga tawo sa ilang buhatan kundili padayon lang gihapon kung unsay nasugdan sa miaging hepe ug iya nalang pun-an ang dugang pa nga mga programang nasugdan sa naunang hepe nga si Supt. Andaya.
Sa laing bahin ang personahe sa PCR nagpahigayon ug monitoring ug awareness sa usa ka information dissemination sa dili moubos sa 30 ka Madrasah nga mga tinun-anmay kalabot a safety tips sa mga bata ug protection hours alang sa mga minors didto sa Barra Elem. School, Brgy. Barra, Dipolog city niadtong miaaging adlaw mga 4:20PM.
