Surallah Mayor Bendita ginagarantiya nga wala sang dapat kabalak-an kag indi mahadlok sa pagpabakuna kontra COVID-19.

Ginagarantiya ni Surallah Mayor Antonio Bendita sa mga pumuluyo nga wala sang dapat nga kalabalak-an kag indi mahadlok sa pagpabakuna kontra COVID-19. Ini matapos nga wala man siya suno pa sang nabatayagan nga malain nga epekto sang bakunahan gamit ang Sinovac Vaccine.
May-angot sini, ginaawhag ni Mayor Bendita ang mga pumuluyo sa banwa nga magpabakuna batok COVID-19, matapos nga may pipila nga nag-atras kag pagpangduha-duha sa gihapon nga magpabakuna.
Ginhatagan punto sang alkalde nga mas maayo nga may proteksyon batok COVID-19 kaysa sa wala nga daku ang posibilidad nga makaeksperyensya sang severe nga epekto sang nasambit nga balatian.
Ginkumpirmar man ni Mayor Bendita nga wala pa sila sang nabaton nga go signal halin sa national government sa pagbakal sang bakuna sang LGU, matapos nga may-yara naman sila sang pondo.
Samtang suno kay Mayor Bendita palawigon pa niya tubtob Mayo 31 ang ginapatuman nga restrictions sa Surallah tungod sa padayon sa gihapon nga pagsaka sang kaso sang COVID-19 sa banwa.

Facebook Comments