Davao City – Temporaryong gihunong sa Bureau Fire Protection (BFP XI) Special Rescue Force ang underwater Search and Retrieval Operation sa nalumos nga 19 anyos nga si John Alfred Amalias kagahapon adlawa, human girekomendar sa Philippine Coast Guard ang operasyon sa pagpangita tungod usab sa kakusog sa hangin, dagkong balod ug ngit-ngit na ang palibot.
Matud ni SFO2 Don Anloague, mitabang na usab sa pagpangita, ang ubang mga Rescue Teams gikan sa ubang Barangay, apan pakyas silang makita ang maong batan-on.
Gipasabot ni Anloague, sulod sa 24 oras molutaw ang tawo gikan sa pagkalumos, apan niining puntoha wa gipadaplin sa opisyal, ang posebilidad nga nasangit o dili ba kaha gianod sa current ilawom sa dagat ang lawas ni Amalias, maong hangtod karon wala pa mulotaw.
Gibutyag pa ni Anloague, karong adlawa ilang ipadayon ang Search and Retrieval Operation, apan dili na sa ilawom kundi sa ibabaw na sa dagat ug mag-agad na lamang sila sa mandar sa Philippine Coast Guard sa sunod nilang pagahimoon, ugaling mapakyas gihapon sila nga makita ang lawas ni Amalias karong adlawa.
RadyoMaN Joel Viray
Facebook Comments
