Niyanig ng magnitude 6.2 na lindol ang Surigao del Norte alas-11:16 Biyernes ng gabi.
Naitala ang episentro ng lindol sa layong 38 kilometro ng hilagang-kanluran ng bayan ng Burgos.
May lalim itong labing-anim na kilometro at tectonic ang pinagmulan.
Naramdaman naman ang Intensity V sa Burgos, Surigao del Norte, Surigao City at Dinagat Island.
Intensity IV sa Butuan City; Abuyog, Leyte, Hinunangan, San Francisco, San Rocardo, Tacloban City sa Southern Leyte.
Habang Intensity II ang naramdaman sa Camiguin Island.
Naitala naman ang instrumental Intensity III sa Palo, Leyte; Borongan City; Cebu City at Gingoog City.
Instrumental Intensity II sa Argao City at instrumental Intensity I sa Alabel, Sarangani; Cagayan de Oro City; Cebu City; San Francisco, Cebu at Ormoc City.
Dahil dito, asahan na ang aftershocks dulot ng pagyanig.
