JUST IN! Mga miyembro sa Surigao Maradjao Abtic Team nakabalik na diri sa Surigao City human nahimong 1st Runner Up sa 200 meters Standard Mixed Crew sa taghimo na Paddle the Pacific National Dragon Boat Festival sa Lianga, Surigao del Sur. Sumaya pa nan Team Captain na si Val Regan, moabot sa 16 kabuok Team gikan sa tibook Pilipinas an miapil ug grabe kalipay nila na an ikaduha na puwesto an nakuha samtang an nag-kampeon an Phil. Navy. Tagpasigarbo nila na tagsundan an National Team sa Phil. Navy ug tagkonsiderar na achievement bisan kon isa ka tuig pa sila nagsugod isip grupo. Tagtudlo pa ni Regan na an ila pag-apil sa National Dragon Boat Competition isa ka tune up game sa ila tagtakda isab na pag-apil sa International Dragon Boat Competition kuman Mayo diri sa Surigao City. Tagpaabot niini an pasalamat ngadto sa tanan mitabang ug nagsuporta sa ila pareho sa lokal na gobyerno sa Surigao City ug Claver, Surigao del Norte lakip an iban pa na mga pribadong indibidwal. > > > > > >
