Davao City – Gimando karon ni Tagum City Mayor Rey Uy sa kapulisan ang pagpahigayon og surpresa nga checkpoint sa dakbayan sa Tagum.
Sa interbyu sa DXDC RMN Davao kang Mayor Uy sa programang Straight to the Point uban si RadyoMaN Bernard Pantallon, gisulti niini nga dako og tabang ang presensya sa kapulisan ilabi na sa mga lugar nga dagsa ang tawo.
Gawas niini, mas maayo nga magbaton og surprise checkpoint aron malikayan ang mga indibidwal nga planong musabwag og kadaut o kasamok sa lungsod.
“Kahibaw ka man anang mga maghimo’g salaod, pagtan-aw nila nga naay stationary nga checkpoint, mulikay na. Mas maayo tong surprise checkpoint,” sulti ni Uy.
Samtang, nagpasalamat usab ang alkalde sa kasundalohan nga mipasalig nga mutabang sa pagpatrolya aron mabatokan ang unsa mang insidente o mga kriminalidad sa dakbayan.
RadyoMaN Kirby Manzon
Facebook Comments
