Gipa-ubos sa kinalit nga drug test ang mga sakop sa Drug Enforcement Unit sa Police Regional Office-7 nga gipangulohan mismo ni PRO-7 Director Chief Supt. Robert Quenery.
Kapin sa 40 ka mga personnel sa Drug Enforcement Unit sa PRO-7 , gipatawag sa ilang hepe alang sa usa ka importanting tigum uban si Chief Supt. Quenery.
Samtang gihimo ang meeting ,walay kasayuran ang mga police nga na-andam na ang mga gamit alang sa ipahigayon nga drug test.
Una nga nagpa drug test si Quenery aron ipakita nga nilimpyo siya sa iyang hanay batuk sa illigal nga drogas.
Nisunod sa pagpa drug test mao ang OIC sa Regional Intelligence Division Supt. Josefino Ligan .
Matud ni Ligan nga ang pagpa –ubos sa surprise drug test kabahin sa cleansing program sa Campo Crame nunot sa nagpadayon nga gubat batok sa illegal nga drugas.
