Davao City – Angayang tohoan ang mga survey nga ginahimo aron masukod ang katakos sa usa ka opisyal nga modumala sa nasud.
Sumala ni Bangsa Iranun Deputy Mayor Pamikerin Arumpac Jr., usa sa maayong ehemplo si Pres. Rodrigo Duterte sa dihang iyang gipatuman ang martial law sa Mindanao daghan niini ang nakaangay ug usa kini sa hinungdan sa pagtaas sa iyang ratings.
Base sa ulahing survey sa Pulse Asia, nakaangkon og 80 % nga approval ug trust ratings ang presidente.
Giingon pa sa deputy mayor sa Bangsa Iranun, usa sa ilang nakita sa kaayuhan sa presidente mao ang gipatumang martial law tungod kay disiplinado ang mga sundalo ug police hinungdang walay nakitang abuso dili susama kaniadto ni kanhi Pres. Ferdinand Marcos.
Hinoon gipasabot usab ni Arumpac nga aduna man gihapoy nahimong kaayohan ang kanhing rehimen, apan dili makatupong kang Duterte.
Matud pa usab ni Arumpac, ang nakita niyang kalainan kang Aquino kung itandI kang Duterte mao ang kampanya sa droga ug korapsyon.
Samtang giklaro karon ni Arumpac ang strength ni Duterte mao ang disiplina samtang sa kahuyang wala siyay nakita.
RadyoMaN Bernard Pantallon
