Davao City – Dili ikalimod nga dunay mamatay sa himoong mga operasyon sa kapolisan sa kampanya batok gidiling droga tungod kay misukol sa mga awtoridad.
Sumala ni Barangay 76-A Bucana barangay captain Rolando Trajera, wala masabti sa mga tawo ang trabaho sa pulis hinungdang nagtoo sila nga ang mamatay sa operasyon nga civilian gituyo og patay nga maoy migawas sa resulta sa survey sa Social Weather Station (SWS) batok kang Philippine National Police (PNP) director General Ronald Bato Dela Rosa.
Dili gayud malikayan nga basolon dayon ang pulis sa higayong dunay mamatay sa ilusad nga mga operasyon tungod sa pagtoo nga gituyo pagpatay. Matud ni kapitan, ang mga tawo nga nakahibalo sa trabaho sa pulis ug dili motoo anang survey nga gipagawas nga wala misukol ang mga namatay.
Labaw nang dili motoo ang barangay kapitan sa 76-A Bucana nga maapektohan sa survey ang ka-epektibo sa mga nag-unang programa sa kagamhanan ilawom sa liderato ni Presidente Rodrigo Duterte.
RadyoMaN Bernard Pantallon
