Sa interview sa DXDC RMN Davao sa usa sa survivors nga si alyas Nene, iyahang gisulti nga nag-agad ra siya kung unsa ang desisyon o ipahamtang nga silot sa mga indibidwal nga posibleng dunay kapabayaan sa nahitabong landslide.
Nasayrang atol sa hearing sa House Committee on Disaster Resilience, gikwestyon ni Congressman Vice Chair Zia Alonto Adiong si Barangay Masara Kapitan Douglas Dumalagan Jr. kung nganong natugotan pa ang mga tawo nga mupuyo sa lugar ug nakatukod pa og mga pasilidad sama sa barangay hall ug eskwelahan.
“Maski hindi po kayo yung barangay chairman, at least you already have the knowledge na bawal yan babalikan at bumalik sa area na yan. Sabi nga po ng MGB, pag-off limits po yan, walang category po yan – eskwelahan man yan, public toilet man yan. Basta kung merong tao dyan, hindi po pwedeng balikan,” saysay ni Adiong.
Atol sa hearing, girekomenda usab sa committee nga isuspende og usa ka bulan sila i Maco Mayor Voltaire Rimando ug si Brgy. Masara Kapitan Douglas Dumalagan Jr.
Kahinumduman nga 93 ang kumpirmadong namatay sa landslide, diin 79 niini ang naila ug 14 ang unidentified, diin usa sa nagpaabot sa resulta sa DNA testing mao si alyas Nene ug nanghinaut nga mapadali ang nahisgutang proseso.
RadyoMaN Kirby Manzon
