Mismo el suspechao del un incidente de tiroteo el ya queda victima tambien del taho na Barangay Talon-Talon ayer por la tarde.
Na report del Tetuan Police Station, ta aparece cay el man-hermano canda Roel y Raul Lazaro ta man tomahan na diila residencia na mismo barangay cuando derefente ya lang ya abuya el suspechao identificao como si Sappari Esquierdo y ya tira canila sin provocaccion.
Durante el soceso, si Raul, sentido que ya man target si Esquierdo con su hermano, ya saca este bolo y ya tahya insiguidas con el suspechao na caveza.
Con el suspechao amo el con quien ya lleva na ospital por el fatal tupada de bolo na su caveza.
Si Lazaro ya demiti tambien con su cuerpo na otoridad llevando el bolo que ya usa le para tahya con el suspechao por el defenza lang asegun diila con el acto de crimen que ya hace si Esquierdo. *– Bhong Simbajon/RMN News*
