Zamboanga City-Desfues el fuerte espuerso del operatibas del Sta.Maria
Police para el aresto conel suspechao quien ya empesa Lancia por treintay
seis beses con un disi ciete anyos dalagita finalmente ayer ya puede
aguanta con este pasada alas cinco dle tarde na vicinidad del su
recidencia na De leon drive sta.maria .
Conel suspechao ya identifica como si Franklin Eugenio y Campos 30
anyos el edad y residente del friendship land Deleon sta.Maria y un
sikat-sikat driver.
Ya confisca na possession del suspechao el un t-shirt que tiene
marka de sangre , tres klase de kutsilyo con diperentes grandor ,
diutay , medium y grande sachet de alegao shabu.
Acordando kay alas dos pasada del tarde cuando el Menor de edad y un
estudyante el con quien ya empesa Lancia el suspechao si Eugenio ,
mientras este ta anda bisita na sepulture del su tata na
cementerio de Sta.maria .
Ya saka el suspechao con el sling bag del victima que ta contene el
de este cellphone , y personal las cosas .
El victima admitido aura na un pribado hospital que ta recopera este
tiempo , mientras el suspechao detenido na carcel del estacion de
police na sta.maria pendiente el imbestigacion y plantada del kaso
contra coneste na korte .
