Suspect nga adunay link sa Maute arestado

Gipalaluman ang imbistigasyon sa Criminal Investigation and Detection Group (CIDG) Caraga subay sa report nga adunay koneksyon sa teroristang Maute Group ang suspek nga nadakpan atol sa gilusad nga search operation sa hiniusang pwersa sa CIDG, Cabadbaran PNP ug Regional Mobile Force Battalion (RMFB 13) didto sa Cabadbaran city kagahapon.
Si Arab Mamao, ang target sa search operation, kinsa nakuhaan ug .38 nga revolver ug mga buhing bala ang gi-detain karon sa CIDG Agusan del Norte tungod sa kasong kalapasan sa RA 10591 kon Comprehensive Firearms and Ammunition Regulation Act – maoy gitumbok sa intelligence report nga adunay link sa Maute group.
Sigun ni PSupt. Choli Jun Caduyac, regional chief sa CIDG Caraga nga si Mamao maoy direktang kontak sa Maute group sa ilang pagbyahe padulong sa kauluhan agi sa Lipata port sa Surigao city base usab sa impormasyon gikan sa CIDG region 10.
Gipahayag usab ni PCI Rennel Serrano, hepe sa Cabadbaran city Police Office nga nawala kini sa ilang lugar ug bag-o pa nakabalik si Mamao ug wala bisan kinsa nga makatug-an kung asa kini napadulong.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments