Sa interview sa DXDC RMN Davao kang Police Captain Hazel Tuazon, tigpamaba sa Davao City Police Station gisulti niya, nagpadayon ang gihimong imbestigasyon aron masayran ang motibo sa pagpatay sa biktima.
Segun sa official, daghang angulo karon ang gilantaw sa kapulisan apil na usab ang trabaho sa biktima isip online seller ug ang bana imbestigahan usab, aron masuta kung unsa gayud ang motibo sa pagpatay.
“Ongoing pa ang pag conduct og investigation sa Ecoland Police Station, daghang angulo ang gilantaw sa kapulisan para masuta gyod nato kung unsa ang motibo og ngano gipatay ang biktima”, sulti ni Tuazon.
Kahinumduman, naghulat sa iyang bana nga nagpalit og tambal ang biktima sa dihang kalit lang giduol sa duha ka wala mailhing suspetsado nga nagsakay sa single motorcycle ug gidunggab ug dayon misibat.
RadyoMaN Don Pulayao
